Warning: Creating default object from empty value in /home/graamam/public_html/gramam/mal/plugins/system/jsifr3.php on line 42
പ്രസിദ്ധീകരണം

അഡ്മിനിസ്ട്രേറ്റര്‍



അതിഥികള്‍

നമുക്ക് 36 അതിഥികള്‍ ഓണ്‍ലൈന്‍

എത്ര പേര്‍ കണ്ടു


Warning: Creating default object from empty value in /home/graamam/public_html/gramam/mal/modules/mod_stats/helper.php on line 106
ഉള്ളടക്കം എത്ര പേര്‍ കണ്ടു : 839513


പുസ്തക പ്രസിദ്ധീകരണം : ഔദ്യോഗിക അന്തരം

അധിനിവേശ ഭാഷാ രാജ്യങ്ങളിലെയും തദ്ദേശ അധിനിവേശ ഭാഷാ രാജ്യങ്ങളിലെയും പുസ്തകങ്ങള്‍ പ്രസിദ്ധീകരിക്കുന്നതിലുള്ള അന്തരം ഇന്ത്യന്‍ കുട്ടികള്‍ക്കും ജനങ്ങള്‍ക്കും അവരുടെ ഭാഷകളിലുള്ള വിജ്ഞാനവും, വായനയിലുള്ള ആനന്തവും നിഷേധിക്കുന്നു എന്ന കയ്പേറിയ സത്യം വെളിപ്പെടുത്തുന്നു. ഈ സത്യം പുസ്തകങ്ങളുടെ ഭാഷകളിലും, പ്രസിദ്ധീകരിക്കുന്ന എണ്ണത്തിലും, വിറ്റഴിക്കപ്പെടുന്ന കോപ്പികളുടെ അളവിലും വിഷയത്തിന്‍െറ പോരായ്മകളിലും പ്രതിഫലിക്കുന്നു.

 

അധിനിവേശ ഭാഷയെ ആശ്രയിക്കുന്ന ലോകത്തിലെ എല്ലാ രാജ്യങ്ങള്‍ക്കും പ്രൊഫഷണല്‍ വിദ്യാഭ്യാസത്തിനും ഉന്നത വിദ്യാഭ്യാസത്തിനും കുറച്ചു പുസ്തകങ്ങള്‍ മാത്രമെ ഉത്പാദിപ്പിക്കാന്‍ കഴിഞ്ഞുള്ളു.

മൊത്തം 35.8 കോടി ജനസംഖ്യയുള്ള 25 അറബ് രാജ്യങ്ങളില്‍ 2008 ല്‍ വെറും 5910  പുസ്തകങ്ങള്‍ മാത്രമെ പ്രസിദ്ധീകരിക്കാന്‍ കഴിഞ്ഞുള്ളു. എന്നാല്‍ 7.48 കോടി മാത്രം ജനസംഖ്യയുള്ള തുര്‍ക്കി 2009 ല്‍ 31414 പുസ്തകങ്ങള്‍ പ്രസിദ്ധീകരിച്ചു.

2.3 കോടി ജനസംഖ്യയുള്ള തായ് വാനില്‍ 2008 ല്‍ 42018 പുസ്തകങ്ങള്‍ പ്രസിദ്ധീകരിച്ചു. 3.4 കോടി ജനങ്ങള്‍ സംസാരിക്കുന്ന മലയാളത്തില്‍  പ്രസിദ്ധീകരിച്ച മൊത്തം പുസ്തകങ്ങളേക്കാള്‍ ഇരുപത് മടങ്ങ് കൂടുതലാണ്.

4.8 കോടി ജനസംഖ്യയുള്ള തെക്കന്‍ കൊറിയ 7000 പുതിയ വിനോദ പുസ്തകങ്ങള്‍ പ്രസിദ്ധീകരിച്ചപ്പോള്‍, അത് എല്ലാ ഇന്ത്യന്‍ ഭാഷകളിലും കൂടി പ്രസിദ്ധീകരിച്ച ബാലസാഹിത്യങ്ങളേക്കാള്‍ കൂടുതലാണ്.

2.8 കോടി ജനസംഖ്യയുള്ള, യുദ്ധം നാശം വിതച്ച ബഹുഭാഷാ രാജ്യമായ അഫ്ഗാനിസ്ഥാനില്‍ 1990 ല്‍ 2759 പുസ്തകങ്ങള്‍ പ്രസിദ്ധീകരിച്ചതായി യുനെസ്കോ (UNESCO) കണക്കാക്കുമ്പോള്‍, ഏക ഭാഷ നിലവിലുള്ള 8.3 കോടി ജനങ്ങളുമായി ഏറ്റവും ജനസംഖ്യയുള്ള ഈജിപ്റ്റിന് 1995 ല്‍  വെറും 2215 പുസ്തകങ്ങള്‍ മാത്രമെ പ്രസിദ്ധീകരിക്കാന്‍ കഴിഞ്ഞുള്ളൂ.

പാക്കിസ്ഥാനിലേയും, ബംഗ്ലാദേശിലേയും സ്ഥിതി ദയനീയമാണ്. 16 കോടി ജനസംഖ്യയുള്ള പാക്കിസ്ഥാന്‍ 2005 ല്‍ 1036 പുസ്തകങ്ങള്‍ മാത്രം പ്രസിദ്ധീകരിച്ചു. അത് 2001 ല്‍ പ്രസിദ്ധീകരിച്ച 1655 പുസ്കങ്ങളേക്കാള്‍ കുറവാണ്.

ഹാരിപോട്ടര്‍ ശൃംഖലയിലെ അവസാനത്തെ പുസ്തകത്തിന്‍െറ 3 ലക്ഷം പതിപ്പുകളാണ് ഇന്ത്യയില്‍ വിറ്റഴിക്കപ്പെട്ടത്. എന്നാല്‍ ചൈനീസ് ഭാഷയിലേക്ക് മൊഴിമാറ്റം ചെയ്യപ്പെട്ട ഹാരിപോട്ടര്‍ 7 മത്തെ പുസ്തകത്തിന്‍െറ ഏതാണ്ട് 160 ലക്ഷം പകര്‍പ്പുകള്‍ വില്‍ക്കപ്പെട്ടു. ഹാരിപോട്ടര്‍ പുസ്തകത്തിന്‍െറ 6 ദശലക്ഷം വരുന്ന ചൈനീസ് പരിഭാഷാ പകര്‍പ്പുകള്‍ തായ് വാന്‍ കുട്ടികളും വാങ്ങി. ഇന്ത്യയില്‍ ഇറങ്ങിയത് ഈ പുസ്തകത്തിന്‍െറ അറുപതിനായിരം ഇംഗ്ലീഷ് പതിപ്പുകളാണെങ്കില്‍, തായ് വാന്‍ ഭാഷയില്‍ 30 ലക്ഷം പകര്‍പ്പുകളാണ് പ്രാരംഭഘട്ടത്തില്‍ തന്നെ അച്ചടിക്കപ്പെട്ടത്. ഹാരിപോട്ടര്‍ ശ്രേണിയിലെ 7 പുസ്തകങ്ങള്‍ എല്ലാ ഇന്ത്യന്‍ ഭാഷകളിലും കൂടി ഒരു ലക്ഷത്തിലധികം വരില്ല എന്നിരിക്കെ, ഈ പുസ്തകങ്ങള്‍ കൊറിയന്‍ ഭാഷയില്‍ മാത്രം വിറ്റഴിച്ചത് 340 ലക്ഷത്തില്‍ അധികമായിരുന്നു.

 


 

കൂടുതല്‍ വിവരങ്ങള്‍ക്ക് മാതൃഭൂമി പ്രസിദ്ധീകരിച്ച കെ. സേതുരാമന്‍ എഴുതിയ ''മലയാളത്തിന്‍െറ ഭാവി ഭാഷാ ആസൂത്രണവും മാനവ വികസനവും"'എന്ന പുസ്തകം വായിക്കുക.